Wittenberg kry ‘n nuwe orrel

Die reeks nuutgeboude orrels in die FELSISA duur voort: nou is Wittenberg aan die beurt!

Nadat die vorige orrel verouderd geraak het, is daar besluit om ‘n nuwe, rein meganiese instrument deur die orrelbouer Jan Elsenaar van Brandfort (FS) te laat maak. Aangesien die galery in Wittenberg nie baie groot is nie en bowenal ‘n geringe hoogte het, was dit ‘n uitdaging vir die orrelbouer Elsenaar om die instrument so te ontwerp dat daar ten minste 15 registers is met altesaam 844 pype. ‘n Taak wat hy meesterlik opgelos het (soos in Lüneburg ook)!

Van die 15 registers is 6 van die ou orrel oorgeneem. Die pype was van goeie gehalte en kon dus maklik in die nuwe klankkonsep geïntegreer word. Die res van die instrument is heeltemal nuut. Die pragtige orrelkas uit eikehout bevat kenmerkende elemente van die neo-gotiese styl – dit pas perfek in die kerk in en bied boonop nou genoeg ruimte vir die kerkkoor. Dit is ook wonderlik dat daar besluit is om die vloer van die galery met hout uittebou. Dit is vir die klank van die orrel tot groot voordeel!

Die instrument is doelbewus as ‘n liturgiese instrument ontwerp – die disposisie (dit wil sê die samestelling van die registers) is dus hoofsaaklik vir godsdienstige gebruik uitgekies. Die orreliste het sodoende ‘n wonderlike instrument tot hul beskikking om die diens op gepaste en waardige wyse te begelei. Net soos die sustersinstrument in Lüneburg, word die instrument in Wittenberg gekenmerk deur ‘n bewonderenswaardige klankvariëteit. Elke register is meesterlik geïntoneer en ‘n ware klankbelewenis. Van sag tot hard is daar altyd interessante en boeiende klanke. Die resultaat kan verseker gehoor laat word!

Wittenberg is in die benydenswaardige posisie om baie jong orreliste en veral orrelistes te hê. Mag hierdie instrument ‘n seën vir hulle en vir toekomstige geslagte wees! As ek sien hoe veral die jong mense in Wittenberg tot hierdie projek toegewyd was, is die voorvereistes daarvoor perfek in plek. Soli Deo Gloria!

– Pastor Roland Johannes

 

Recent posts
Jeugdag 2023

Jeugdag 2023

Michelle Niebuhr, Pretoria Jeugdag – ‘n datum wat in helder kleure in die jaarkalender aangedui word; ‘n dag waar baie…

Preek vir Rogate

Preek vir Rogate

Eer jou vader en jou moeder soos die Here jou God jou beveel het, dat jou dae verleng mag word…

Die 50ste VELSISA-sangfees – ‘n terugblik

Die 50ste VELSISA-sangfees – ‘n terugblik

Manfred Johannes, Pretoria Vanjaar is dit die kerkkore van die VELSISA gegun om op 2 Oktober in Johannesburg bymekaar te…

Kinderkamp 2022

Kinderkamp 2022

Anja Hohls, Pretoria Na die lang verlange na ‘n kinderkamp tydens die Covid-tydperk, kon ons met groot vreugde uiteindelik weer…

Die familie en die huwelik

Die familie en die huwelik

Pastor Karl Böhmer, Kirchdorf God het die mens geskep na sy beeld, na die beeld van God het Hy hom…

CATEGORIES